وصفة لتقوية شعر

السلام عليكم و رحمة الله و بركاته

كيدايرين الغزالات

كنتمنى تكونو بخير و على خير



هاد الوصفة كنستعملها حاليا
لان شعري كان طاحلي واحد الفترة و حسيت بيه خفاف
طبيعية و مكوناتها كلها غزالة
و ما منها ضرر ان شاء الله
فوائدها كتخلف الشعر لي طاح
كتقوي الزغبة
كتعمر الفراغات او اماكن الصلع
و كتعالج حتا التعلبة ---التونية---

الوصفة هي
زيت خرواع من الاحسن تاخدوه من الصيدلية اضمن و اجود
زيت الزيتون لي موجود فكل دار مغربية الحمد لله
فص توم منقي و مدقوق بالمهراز
عظوما ديال التمر محمرين فالفران و مطحونين

تاخدو نفس الكمية من زيت الخرواع و زيت زيتون و تخلطوهم مع العناصر لي دكرت سابقا
و تخلطو مزيان و تستعملوها يوم نعم و يوم لا الاسبوع الاول و من بعد يوم اه و يوماين لا حتا تولي مرة ف الاسبوع

و لكن الريحة مجهدة شويا
ديرو الوصفو و شدو شعركم بمنديل حياتي و عطرو راسكم بشي بارفان دايزو الكلام كيف كندير